SHIRIKA
la Hifadhi ya Taifa (Tanapa) limetoa msaada wa mabati elfu sita yenye
thamani ya shilingi milioni 124 kwa ajili ya kuezekea vyumba vya
madarasa,nyumba za walimu,vituo vya afya pamoja na vituo vya polisi
katika Wilaya ya Tarime.
Akipokea
msaada huo katika viwanja vya sabasaba Mjini hapa,Mkuu wa mkoa wa Mara
Gabriel Tupa alisema msaada huo umekuja wakati muafaka kukiwa na
changamoto za kumalizia baadhi ya vyumba vya madarasa pamoja na nyumba
za walimu ambavyo vilikuwa havijakamilka.
Alisema
msaada huo uliotolewa na Tanapa kila kiongozi anatakiwa kutimiza wajibu
wake kwa kuusimamia vizuri kuhakikisha lengo la kutolewa kwake
linakamilika kwa kuezeka vyumba vilivyokusudiwa kwa wakati muafaka na
kuacha kuyatunza mabati hayo.
"Viongozi
wenzangu kila mtu kwa nafasi yake,tuhakikishe msaada huu unafanya kazi
iliyokusudiwa kwa kwenda kuezeka vyumba vya madarasa,nyumba za
walimu,vituo vya afya pamoja na vituo vya polisi kwa wakati.
"Tanapa
wameona umuhimu wa elimu kwa vijana wetu,afya pamoja na suala la ulinzi
katika jamii,mabati haya yaliyotolewa yasibadilike matumizi yake nami
ntakuwa mstari wa mbele kufatilia kwa
kipindi cha muda mfupi kuona utekelezaji wake.
Akizungumzia
suala la ujangiri katika hifadhi,Mku wa mkoa wa Mara alisema Wananchi
wanapaswa kutoa ushirikiano kwa Tanapa kuhakikisha vitendo vyote vya
ujangiri katika hifadhi vinakomeshwa kwa kutoa taarifa pale wanapoona
vitendo vya ujangiri hifadhini.
Alisema misaada ya kijamii ambayo imekuwa ikitolewa
mara kwa mara na Tanapa inatokana na utalii unaofanywa katika hifadhi
hivyo kufanyika kwa vitendo vya ujangiri kutapelekea kupunguza utalii na
hivyo kuikosesha Tanapa mapato.
Aidha
Mkuu huyo wa mkoa wa Mara aliwataka Wananchi kutokuingilia maeneo ya
hifadhi na kusababisha migogoro isiyo ya lazima baina ya Wananchi na
askari wanyamapori ambayo imekuwa ikitokea katika baadhi ya maeneo ya
hifadhi.
Alisema
katika suala la kuingilia maeneo ya hifadhi wanasiasa pia wamekuwa
wakichangia kwa kutokuwaeleza Wananchi ukweli juu ya sheria za hifadhi
na kupelekea kuvamia maeneo hayo na kusababisha migogoro na kuwataka
kuacha kufanya hivyo.
Awali
akizungumza katika makabidhiano hayo,Mkurugenzi Mkuu wa Tanapa Alan
Kijazi alisema Wananchi wa Kata za Nyanungu,Gorong'a na Nyarukoba ambazo
zinaingia eneo la hifadhi ya Serengeti kushirikina na Tanapa katika
uhifadhi wa mazingira na
kutunza hifadhi.
Alisema
licha ya kushugulika na uhifadhi Tanapa inalo jukumu la kushiriki
katika shughuli za kijamii na msaada walioutoa sio mwisho wa ushiriki
shughuli hizo.
Post a Comment
0 comments