VIONGOZI
na watumishi katika Idara za Serikali za Mitaa wametakiwa
kufanya kazi kwa kuwajibika na kuhakikisha inawatumikia wananchi kwa
kuwa ngazi ya Serikali za mitaa ina wajibu wa moja kwa moja kufanya
hivyo.
Kauli
hiyo ilitolewa na Mkuu wa mkoa wa Mara Gabriel Tuppa katika maazimisho
ya sherehe za Serikali za Mitaa ambazo kimkoa zilifanyika katika uwanja
wa sabasaba Mjini Tarme.
Alisema
viongozi wengi wamekosa uwajibikaji katika majukumu yao ya kila siku na
wengine kufanya kazi kwa mazoe na masrahiyao binafsi bilakuzingatia
wanapaswa kuwatumikia Wananchi ambao ndio wenye mamlaka katika Serikali
za mitaa.
Tuppa
alisema Viongozi na watendaji katika ngazi ya Serikali za mitaa
wanapaswa kuzingatia wajibu na sheria za utumishi ili kuweza kuwatumikia
Wananchi na kujenga utamaduni wa kutoa taarifa ya mapato na matumizi
kwa Wananchi.
"Shida
kubwa katika ngazi ya Serikali za Mitaa ni kushindwa kwa viongozi na
watendaji kushindwa kutoa taarifa ya mapato na matumizi kwa Wananchi
kwa muda mrefu hali ambayo inapelekea kukosa imani nanyi.
"Nawahimiza
Viongozi wote pamoja na watendaji katika ngazi ya Serikali za mitaa
kuzingata wajibu wenu katika uwajibikaji na hasa kutoa taarifa ya apato
na matumizi pamoja na kusimamia fedha zote zinazokuja katika mamlaka
zenu.
"Si
vyema kufuja fedha za Umma ambazo zinakuja katika mamlaka zenu kwa
lengo la shughuli mbalimbali za Wananchi ambazo zimekusudiwa na muache
kujihusisha na
vitendo vya rushwa ili muwasaidie Wananchi,alisema Tuppa.
Alisema
vitendo vya baadhi ya viongozi wasio waaminifu kujiingiza katika
vitendo vya rushwa ili waweze kutoa msaada kunawafanya Wananchi
kuichukia Serikali yao kutokana na vitendo hivyo.
Mkuu
huyo wa mkoa wa Mara aliwataka Wananchi kutambua
Serikali za Mitaa ni zao hivyo kujenga utaratibu wa kushiriki katika
mikotano inayohitishwa katika maeneo yao na kuacha watu wachache
kushiriki na kupitisha mazimio ambayo baadae yanakuja kulalamikiwa.
Post a Comment
0 comments