JWTZ YALAANI ASKARI WAKE KUPIGANA NA ASKARI POLISI

JESHI la Wananchi wa Tanzania(JWTZ) limelaani vikali askari wake aliyesababisha fujo na kupelekea kupigana kati ya askari polisi na askari wa jeshi hilo katika kituo cha polisi mjini Tarime.

Akizungumza na Waandishi wa Habari mjini Musoma kwa niaba ya Mkuu wa Majeshi ya Nchi Kavu,Mkuu wa Bregedia 202 kundi la Vikosi,Brededia Jenarali Methiw Sukambi alisema askari huyo amekiua kiapo chake hivyo hastahili kuendelea kuitwa mwanajeshi wa JWTZ.

Alisema kitendo hicho kimefanywa na askari binafsi na siyo jeshi na kudai taratibu za jeshi zinafundisha na kuelekeza Afisa na askari kuwa mtiifu na mwenye nidhamu na anatakiwa kutii mamlaka na kufuata sharia za nchi kwa mujibu wa Katiba.

Brededia jenarali Sukambi,alisema jeshi la wananchi linalaani kitendo cha askari huyo pamoja na wengine walioshiriki katika tukio hilo aliloliita la aibu kubwa kwa vyombo vya dolakupigana hadharani kama ilivyotokea.

“Nimeagiza sheria na taratibu zichukuliwe dhidi yake na kwa wale wenzake walioshiriki kwa namna moja ama nyingine na nichukue nafasi hii kutoa pole kwa wale waliopata madhara kutokana na vurugu hizo.

“Natoa wito kwa wanajeshi wote kuzingatia viapo vyao,kutii sheria na taratibu za nchi pamoja na kutii mamlaka za kiraia kwa mujibu wa Katiba ya Tanzania,”alisema.

Alisema wamefanya mazungumzo na viongozi wa mkoa na wilaya na kwa pamoja wamekubaliana kufanya kazi kwa pamoja na kuendelea kushirikiana kudumiha ulinzi na usalama wan chi na kuwapongeza wananchi waliotoa taarifa kuhusiana na tukio hilo na hivyo kuzuia madhara makubwa zaidi ambayo yangeweza kutokea.

• Tweet
• Share
• Share
• Share
• Share