KATIKA
hali isiyo ya kawaida,madiwani wa Halimashauri ya Manispaa ya Musoma
juzi waliamua
kufunga geti la Halimashauri hiyo kwa kile walichodai hawawezi kwenda
kwenye mapokezi ya mwenge bila kupewa posho zao kwa ajili ya mapokezi na
magari ambayo wenyewe wanastahili kupanda.
Sakata
hilo ambalo BLOG HII ililishuhudia lilianza majira ya saa mbili
asubuhi hali iliyopelekea Kamati ya ulinzi na Usalama ya Wilaya kuamua
kuondoka na kumuacha Mkurugernzi wa Manispaa ya Musoma,wakuu wa Idara
pamoja na Watumishi wakiwa wamepigwa na butwaa wasijue la kufanya.
Kamera ya Blog ilimshuhudi Naibu Meya wa Manispaa ya Musoma na Diwani wa Kata ya
Mwisenge Bwire Nyamwelo (CHADEMA) akiwa amesimama katika geti la
Halimashauri hiyo huku mlinzi akiwa pembeni na kuzuia magari
kutokuondoka hadi pale watakapolipwa posho za mapokezi ya mwenge.
"Hatuwezi
kukubaliana na hali ya kudharauliwa,sisi kama madiwani kwanza hatuwezi
kupelekwa kwenye mapokezi ya Mwenge tukiwa kwenye magari
yasiyo ya Manispaa na lazima suala la posho litolewe kwanza,sio
mtupeleke sisi ni viongozi tuliochaguliwa na Wananchi.
"Inakuaje
mnatupatia gari la Chama cha Walimu wakati tuna magari yetu,hatuwezi
kwenda huko hadi mambo haya tunayoyataka
yatakaposhughulikiwa,tutatumiaje magari ya kuazima wakati tuna magari
yetu hili haliwezekani na posho lazima tupewe kwanza,"alisikika Naibu
Meya huyo.
Alipoulizwa
Mkurugenzi wa Manispaa ya Musoma kuhusu kile kilichotokea hadi madiwani
kuamua kufunga geti na kuzuia mapokezi ya Mwenge,Mkurugenzi huyo Ahmed
Sawa alisema ameshangazwa na uamuzi wa madiwani na kudai kwa upande wake
amefanya kila kitu kinachotakiwa katika mapokezi ya mwenge na kama
wameamua kufungia magari ili mwenge usipokelewe yatakuwa ni maamuzi yao.
"Kama
suala lilikuwa ni magari wanayotaka kutumia nimeamua kutoa gari la
Chama cha Walimu ambalo wamelikataa na kutumiwa na Kamati ya Ulinzi na
Usalama na nimewapa gari ambalo mimi
nalitumia pamoja na gari lingine la Halimashauri lakini bado wamefunga
geti,kama wanahoja nyingine ya posho ni suala ambalo linashughulikiwa
kwa mujibu wa taratibu na kazi ndiyo inaanza mimi sina la kufanya.
"Nasikia
Mwenge umeshafika eneo la mapokezi kutoka Butiama lakini bado geti
limefungwa kiu kweli kwa sasa sina la kuzungumzia kuhusiana na tukio
hili ila ngoja tuone hali itakavyokuwa kama wataendelea kuwa na msimamo
wao.
Hata
hivyo BLOG hii ilishuhudia baadhi ya madiwani wakiwa wanashauliana
ili Naibu Meya aweze kuruhusu magari ambapo ilishuhudiwa baada ya muda
kufungua geti na kuamua kuyaruhusu magari kuondoka yalifika katika eneo
la mapokezi na kukuta tayari kukuta tayari msafara wa mbio za mwenge
ukiwa umeshafika mapema kutokea Butiama.
"Kutokana
na msimamo aliokuwa nao Naibu Meya umepelekea tumepata posho nusu
nyingine tutapewa sasa unafikili ndugu yangu maisha yataendaje bila
posho wakati tunaenda kwenye
mapokezi na baadae mkesha,lazima tupewe posho,"alisikika mmoja wa
Diwani ambaye aliomba kutoandikwa jina lake ndani ya Blog.
Akizungumzia
tukio hilo,Mwenyekiti wa Chama cha Demokrasi Party (DP) Chrisant
Nyakitita alilaani kitendo hicho na kukiita ni utovu wa nidhamu
uliofanywa na Naibu Meya akiwa kama kiongozi wa madiwani na kiongozi wa
siasa kwa kuamua kufunga geti na kuchelewesha mapokezi ya mwenge kwa
kile walichokiita madai ya posho na magari ya kutumia.
Alisema
anakumbuka akiwa mmoja wa wajumbe wa Kamati ya kuratibu mapokezi ya
mwenge wakiwa katika uhamasishaji kata ya Mwisenge juni 8 Naibu Meya
huyo aliwatawanyisha Wananchi wasishiriki katika kikao hicho kwa kuwa
suala la mwenge limepitwa na wakati.
"Nimesikitishwa
sana na hatua hii,huyu Naibu Meya alikuwa mstari wa mbele kupinga
mapokezi ya Mwenge kuwa yamepitwa na wakati na leo ndio anakuwa mbele
kufunga geti akidai posho na magari wanayotaka sasa huu
si ustarabu ni lazima tukiwa kama viongozi wa Vyama vya siasa tukimee
hali hii na kila mmoja aamue kuwajibika,"alisema Nyakitita.
Katika
mbio za mwenge Manispaa ya Musoma jumla ya Miradi ya Maendeleo 17
inatarajiwa kuzinduliwa yenye jumla ya shilingi milioni 904,041,293 huku
Mkuu wa Wilaya musoma Jackson Msome akisema miradi hiyo imetokana na
juhudi mbalimbali za Viongozi pamoja na Wananchi kwa kuamua kushiriki.
Post a Comment
0 comments