BONANZA
lililoandaliwa na klabu ya Waandishi wa Habari mkoani Mara na
kushirikisha wadau mbalimbali litafanyika siku ya jumamosi februari mosi
huku kikosi cha soka cha klabu hiyo kikitamba kuibuka washindi baada ya
kufanya maandalizi ya kutosha chini ya kocha Ally Mchumila(Mkombozi).
Akizungumza
kuhusiana na bonanza hilo,mratibu wa bonanza na nahodha wa kikosi cha
wanahabari mkoani Mara Shomari Binda amesema maandalizi yote kuhusiana
na bonanza hilo litakalowashirikisha watumishi wa Halimashauri ya
Manispaa ya Musoma,Wafanyabiashara na Mamlaka ya maji Musoma(muwasa)
yamesha kamilika.
Amesema
tayari waalikwa wote wa bonanza hilo litakaloshirikisha michezo ya
soka,riadha,kufukuza kuku na kukimbia na magunia zimethibitisha
kushiriki ambapo michezo yote ya bonanza hilo itafanyika katika viwanja
vya posta mjini hapa.
Binda
amesema kikosi chao kilicho chini ya kocha Ally Mchumila mchezaji wa
zamani wa timu ya yanga na Taifa Stars kipo kwenye ari nzuri ya kuingia
kwenye bonanza hilo na mpka sasa hakuna mchezaji yoyote aliye majeruhi
na kipo tayari kwa mpambano.
Amesema
ana amini ya kikosi chao kufanya vizuri kwenye bonanza hilo baada ya
kupata matokeo mazuri kwenye michezo yao mbalimbali waliyoicheza dhidi
ya timu za TRA na wafanyabiashara na kuahidi kuendelea kufanya vizuri
kwenye bonanza hilo ambalo linaonekana litakuwa na ushindani.
Kwa upande wake nahodha wa timu ya Muwasa Denis Marwa ametamba timu yao kuonyesha ushindani kwenye
bonanza hilo licha ya kudhalauliwa na kwamba wamekuwa wakiendelea kufanya mazoezi kwenye viwanja vya VETA mjini Musoma.
Katika
bonanza hilo timu ya Waandishi wa Habari watakutana na Watumishi wa
Manispaa wakati wafanyabiashara watavaana na Muwasa ambapo washindi wa
michezo hiyo watakutana katika mchezo wa fainali wa bonanza.
Post a Comment
0 comments