TIMU
ya soka ya Kigera fc ya Manispaa ya Musoma imejitoa kushiriki ligi
daraja la tatu mkoa wa Mara kwa kile ilichokieleza chama cha mpira wa
miguu mkoa huo(FAM) kuipanga vituo vya mbali zaidi ya misimu minne
tofauti na timu nyingine.
Barua
iliyotumwa chama cha mpira wa miguu mkoa wa Mara na Katibu Mkuu wa timu
hiyo Thomas Maregesi ambayo nakala yake gazeti hili inayo imedai kila
mwaka ratiba ambayo imekuwa ikitolewa haiitendei haki timu hiyo kwa
kutokuzingatiwa kwa jografia na umbali.
Barua
hiyo imeeleza kuwa licha ya timu hiyo kupangwa kituo cha Obwere Shirati
wilayani Rorya katika msimu huu wa 2013-2014,chama cha soka mkoa wa
Mara pia kilichelewa kutoa fumu za ushiriki wa ligi na kuziminya timu
kufanya muda wa maandalizi.
Wamedai
wameamua kujitoa kwenye msimu huu wa mwaka 2013-2014 kutokana na kuomba
kurekebishiwa ratiba na kukataa kusikilizwa na kuongezwa kuwa katika
msimu wa mwaka 2009-2010 walipangiwa kituo cha Kokaja Rorya,2010-2011
walipangiwa Kisorya Bunda na 2011-2012 walipangiwa Suguti Musoma
Vijijini.
Katika
hatua nyingine chama cha mpira wa miguu mkoa wa Mara(FAM) kimemteua
mkufunzi wa makocha mkoa wa Mara Sindbad Madenge kuwa kocha wa timu ya
mkoa wa huo inayojiandaa na mchezo wa mashindano ya Taifa dhidi ya timu
ya mkoa wa Mwanza.
Katibu
Mkuu wa(FAM) Mugisha Galibona alisema wanatambua uwezo wa kocha huyo
hivyo wanaimani wa kukiaanda kikosi cha timu hiyo kwa ajili ya mchezo
huo utakaochezwa machi mosi
kwenye uwanja wa CCM Kirumba Jijini Mwanza kabla ya kurudiana wiki moja
baadae.
Alisema
wachezaji walioteuliwa wanauhakika nao kwa kuwa walichaguliwa na
makocha kutoka kila Wilaya na wanauhakika wa kufanya vizuri kwenye
michezo yote miwili dhidi ya timu hiyo ya mkoa wa Mwanza.
Post a Comment
0 comments