TAASISI
ya Kuzui na Kupambana na Rushwa mkoani Mara(TAKUKURU) imewataka
waratibu wa elimu,walimu wakuu pamoja na wananchi kuwatolea taarifa
walimu ambao wanashindwa kutimiza wajibu wao kwa kuhudhuria vipindi
madarasani na kwenda kufanya shughuli nyingine na kupelekea wanafunzi
kufanya vibaya madarasani na kwenye mitihani.
Kauli
hiyo ilitolewa na afisa wa Takukuru Kitengo cha Elimu kwa Umma Shani
Ramadhani katika mkutano wa wadau wa elimu Halimashauri ya Wilaya ya
Butiama waliokuwa wakijadili namna ya kuinua elimu kwenye Wilaya hiyo
kutokana na kufanya vibaya mitihani ya mwisho muhula wa 2013 na kuwa
Wilaya ya mwisho mkoani Mara.
Alisema
kitendo cha walimu kushindwa kuhudhulia vipindi madarasani na kwenda
kufanya shughuli
zao mbalimbali zikiwemo uendeshaji wa pikipiki(bodaboda)na kujiingiza
katika ushabiki wa vyama vya siasa ni kinyume cha taratibu na maadili ya
kazi aliyoajiliwa nayo hivyo wanaohusika na uangalizi wa walimu pamoja
na wananchi wanapaswa kuwatolea taarifa Takukuru ili wafatiliwe na
kuchunguzwa.
Shani
alisema kwa mujibu wa sheria ya kupambana na Rushwa kifungu cha 96 ya
sheria hiyo ya mwaka 2007 inamuingiza hatiani mwalimu ambaye
hatawajibika kwenye nafasi yake na hivyo kupelekea kujipatia manufaa na
kuwataka walimu kuhakikisha wanawajibika kwenye nafasi zao ili
kuweza kuwasaidia wanafunzi waweze kufanya vizuri madarasani na kwenye
mitihani yao.
Ofisa
huyo wa Takukuru alisema licha ya kutolewa sababu nyingi ya kushuka kwa
kiwango cha elimu katika Wilaya hiyo suala pia la walimu kutohudhulia
kwenye vipindi vyao madarasani kunapelekea ufaulu mbaya wa wanafunzi na
kuzalisha kizazi ambacho kinakosa elimu na kuwa janga kubwa kwa Taifa.
Alisema
pia licha ya sheria ya kupambana na Rushwa kumbana mwalimu ambaye
anashindwa kutimiza wajibu wake pia viongozi wakiwemo waratibu wa
elimu,walimu wakuu pamoja na wakuu wa idara ambao watashindwa kuwatolea
taarifa walimu wanaoshindwa kuhudhulia vipindi madarasani pia sheria
hiyo kifungu cha 31 cha sheria ya kupambana na Rushwa Sura ya 11 ya
mwaka 2007 inambana kiongozi kutokana na matumizi mabaya ya mamlaka
hivyo asipotoa taarifa atachukuliwa hatua na Takukuru.
Akizungumza
katika mkutano huo uliowahusisha wadau mbalimbali wa elimu wakiwemo
walimu na mashirika binafsi,Mwenyekiti wa Halimashauri ya Wilaya ya
Musoma Denis Ekwabi aliwaomba Takukuru pia kuwachunguza baadhi ya
madiwani ambao wamekuwa wakiomba Rushwa kwa walimu ili waweze kusaini
fomu za kutolea pesa benki kwa ajili ya maendeleo ya shule.
Alisema
wapo wanasiasa ambao kwa nafasi ya kisiasa wanachangia kudidimiza elimu
kwa kuwabana walimu
kwenye maeneo yao kutokana na nafasi hiyo huku wengine wakishinikiza
kupewa Rushwa ili waweze kusaini fomu za kuidhinisha kutoa pesa benki
hivyo kuwaomba maafisa wa Takukuru kuwachunguza wanasiasa hao.
Baadhi
ya walimu waliohudhulia mkutano huo walisema licha ya kila mmoja
kuwanyooshea kidole kutokana na kushuka kwa kiwango cha elimu kwenye
Halimashauri ya Wilaya ya Butiama bado walimu wanazo changamoto
mbalimbali zinazowakabili ikiwemo madeni wanayodai Serikali pamoja na
michango ya kuchangia nyumba za walimu kitu ambacho kinawafanya walimu
kuona njia mbadla ya
kujiongezea kipato.
Post a Comment
0 comments