MWAKA jana wakati wa maazimisho ya
miaka 14 tangu kutokea kifo cha Baba wa Taifa Mwalimu Julius Kambarage Nyerere
niliandika makala nikiangazia shule ya msingi Mwisenge aliyosoma mtu ambae kila
mwaka imewekwa siku ya kumkumbuka kutokana na mazuri aliyofanya kwenye taifa
hili.
Nilizungumzia changamoto
zinazoikabili shule hiyo ikiwemo upungufu wa matundu ya vyoo wanavyotumia
wanafunzi wanaosoma kwenye shle hiyo na kutoa angalizo itakapofika kumbukumbu ya
miaka 15 kama ilivyofika hii leo kusiwepo na maandishi ya wanafunzi kukosa
mahala pa kujisaidia.
Wakati
wa kumbukumbu hiyo mwaka jana,mwalimu Mkuu wa shule hiyo Redigunda Tairo alidai
licha ya shule hiyo kuwa na historia kubwa alidai changamoto za shule kutokuendana na yale yaliyofanywa na muasisi
wa taifa hili ambapo alidai licha ya kero kubwa ya upungufu wa matundu ya choo
lakini bado walimu wanaishi kwenye nyumba chakavu.
Ikiwa
tunaanzimisha mika 15 hii leo tangu kifo cha muasisi wa taifa hili na nikiwa
bado natamani kuiona siku moja shule ya msingi Mwisenge ikiwa sehemu muhimu ya
historia tunapokumbuka mengi yaliyofanywa nae bado ntaendelea kuiandikia ili
siku moja kile nnachokitamani kiweze kuwafanikiwa.
Nnapoandika
makala hii ya mika 15 baada ya kifo cha Mwalimu Julius Kambarage Nyerere sina
budi kuanza kulishukuru Shirika la Nyumba la Taifa (NHC)kwa uwamuzi wa kuiona
changamoto ya upungufu wa matundu ya vyoo kwenye shule hiyo na kuamua kujenga
jengo la kisasa lenye matundu 14 kwaajili ya wanafunzi wa kike na kiume.
Ni
jambo ambalo naliona lilifanywa na moyo wa kizalendo na shirika hilo kwa muamua
kutumia kiasi cha shilingi milioni 14 kupunguza changamoto ya upungufu huo na
leo mwalimu Mkuu wa shule ya msingi Mwisenge anakili msaada huo kuwapunguzia
wanafunzi hadha ya wengine kurudi nyumbani kwaajili ya kupata huduma ya choo.
Mwalimu
Mkuu wa shule hiyo ambayo licha ya
kusomwa na Mwalimu Nyerere wapo viongozi wengine wengi waliosoma shuleni hapo
akiwemo aliyekuwa Mwenyekiti wa Tume ya Mabadiliko ya Katiba Jaji Joseph
Warioba anakili kuwepo na changamoto nyingine nyingi ambazo zinapaswa kufanyiwa
kazi ili yale maswali mengi juu ya shule hii yasiendelee kuwepo.
Mwalimu
Redigunda Tairo anadai licha ya Shirika la Nyumba kutoa msaada wa ujenzi wa
matundu ya vyoo pamoja na majengo yake bado kuna upungufu kutokana na wingi wa
wanafunzi waliopo kwenye shule hiyo ambayo kwa sasa imeganywa A na B na kudai
bado kuna uhitaji wa matundu zaidi ili kuondoa upungufu uliopo.
“Shule
nzima kwa sasa ina idadi ya wanafunzi 808,idadi hii ni kubwa na ikumbukwe pia
shle hii ina kitengo cha wanafunzi walemavu hivyo huduma za vyoo pia zinatakiwa
kuwatazama na watoto wanaoishi na ulemavu kwa kujengwa kwa vyoo vyenye
miundombinu rafiki.
“Tunalishukuru
shirika la nyumba kwa ule msaada wao walioutoa mwaka jana na kupunguza upungufu
mkubwa tuliokuwa nao katika siku za nyuma lakini bado tunawaomba wadau wengine
kuitazama shule hii kwa jicho la pekee na hasa kutokana na kumbukumbu
yake,alisema Tairo.
Anasema
licha ya changamoto hiyo ya matundu ya vyoo kwa wanafunzi,bado pia walimu wa
shule hiyo ambao pia uhusika kufundisha vitengo vya wanafunzi wenye ulemavu
hawana nyumba za kuishi shuleni hapo ili kuweza kuwahudumia kwa ukaribu hasa
wanafunzi wenye ulemavu ambao wanaishi shuleni hapo.
Tairo
anadai majengo ya nyumba za walimu yaliyopo shuleni hapo ni chakavu sana na
kiomba serikali pamoja na wadau wengine kujitoa kiusaidia shule hiyo ili pale
inapokuwa inaanzimishwa kumbukumbu ya mwalimu Nyerere shule hiyo pia iwe sehemu
ya kumbukumbu sahihi.
“Baadhi
ya majengo hali yake ni nzuri kutokana na Serikali kuamua kuyakarabati ili
kumuenzi Mwalimu Julius Kambarage Nyerere lakini mengine bado hayajakarabatiwa
ni chakavu na nyumba wanazoishi walimu ni mbovu na haziendani na hadhi ya jina
la shule hii.
“Ile
nyumba unayoiona ndio aliyokuwa anaishi Mwalimu aliyekuwa anamfundisha muasisi
wa Taifa hili pamoja na viongozi wengine waliopata kusoma kwenye shule hii ni
budi viongozi waliopata kupitia hapa na wadau wengine waienzi shule hii,”.
Haya
ni maneno niliyomnukuu mwalimu Tairo kwenye makala niliyoandika mwaka jana
katika kumbukumbu ya miaka 14 baada ya kifo cha Mwalimu Julius Nyerere lakini
leo nnapoandika kumbukumbu ya miaka 15 majengo ya nyumba za walimu bado ni
chakavu na kuwafanya walimu kwenda kupanga mbali na shule.
Kaimu
Afisa Elimu ya Msingi Manispaa ya Musoma Machera anasema Serikali imekuwa
ikitenga fedha katika kuifanyia maboresho shule hiyo ili kuifanya kuwa na
kumbukumbu nzuri kwa kurekebisha majengo bila bila kuondoa kumbukumbu ambazo
zipo tangu Mwalimu Nyerere akisoma shuleni hapo.
Anasema
kwa sasa Idara ya Elimu kwa kuwashirikisha wadau mbalimbali wapo kwenye mchakato
wa kuhakikisha shule hiyo inazungushiwa uzio ili kuwafanya wanafunzi wenye
ulemavu kusomea na kuishi sehemu salama bila kubughudhiwa.
“Kumbukumbu
ya Mwalimu Nyerere inamgusa kila mmoja,Idara ya Elimu ya Msingi Manispaa ya
Musoma inamuomba kila mmoja anayeguswa na shule hii pamoja na kumuenzi Mwalimu
tunamkaribisha kuja kusaidia kuboresha shule hii,”alisema Machera.
Mwalimu wa
Mwalimu Nyerere Marehemu James Irenge kabla ya mauti yake alikuwa akisema
Mwalimu Nyerere ni mtu muhimu katika taifa hili na kila mmoja anapswa
anapomuenzi aenziwe kwa dhati.
“Alikuwa mwanafunzi wa ajabu sana.Alikuwa na upeo wa juu.
Alisoma madarasa manne kwa miaka mitatu. Mwaka 1937, alihamia shule nyingine
mkoani Tabora kuendelea na darasa la tano,”anasema mwalimu huyo wa Baba wa
Taifa
“Alikuwa kijana mwenye kusikiliza
mafundisho ya darasani au kutoka kwa mtu yeyote mwenye akili. Alikuwa na akili
za kuzaliwa,” anasisitiza mzee huyu, ambaye ameandika mswada unaosema ‘Maisha
na Sifa za Viongozi wa Tanzania Kabla na Baada ya Uhuru’, lakini kutokana na
kukosa pesa, ameshindwa kuuchapisha kuwa kitabu.sehemu ya nukuu za mwalimu wa mwalimu nyerere
Nilisema
kwenye makala iliyopita Serikali na wadau mbalimbali ambao kila uchao tunapaza
sauti za kusema mazuri yaliyofanywa na Mwalimu Nyerere tukiamua kumuenzi kwa
vitendo tutafanya lakini tukiamua tutaacha.
Kule
kutembea umbali wa kilometa 37 kutoka Kijiji cha Mwitongo Butiama hadi shule ya
msingi kutafuta elimu kwa muasisi wa taifa hilo kuone suala la elimu ni suala
la msingi na shule ya msingi Mwisenge kufanywe kama sehemu sahihi ya kumbukumbu
ya elimu ya msingi ya muasisi huyu.
Nirudie
tena maneno haya,hivi ni kweli tunapofanya kumbukumbu hii tunashindwa
kuitembelea shule ya Mwisenge na kujua changamoto zake ili tusiwe na mambo mengi
ya kuandika tukiwa tunamkumbuka muasisi wa taifa hili?.
Majibu
ya swali hili ni rahisi tunajionyesha tupo karibu katika kumkumbuka ya Mwalimu
kumbe ni unafiki huku tukiona wanafunzi wanaosoma kwenye shule aliyoma wakikosa
sehemu ya kujisaidia,maji na wengine wakikaa chini.
Post a Comment
0 comments