WAZIRI MUHONGO AENDELEA NA ZIARA YA SIKU 6 MKOANI MARA

 WAZIRI MUHONGO ALIPOWASILI MGODI WA CATA MININGI ULIPO KATARYO WILAYANI BUTIAMA KATIKA SIKU YA PILI YA ZIARA YAKE YA SIKU 6 MKOANI MARA

 KUTEMBELEA ENEO LA MRADI

 MAELEZO KTOKA KWA MTU WA MAABARA YA MGODI

 VIFAA VYA MDOGI WA CATA MINING

 MAELEZO KUTOKA KWA MMILIKI WA MGODI MAUZA NYAKIRANG'ANYI(WA KWANZA KUSHOTO)

 WAZIRI MUHONGO AKIONGEA JAMBO

 BAADA YA KUTOKA KWENYE MGODI ZIARA YA KUANGALIA MIRADI YA UMEME VIJIJINI ILIENDELEA,HAPA NI KIJIJI CHA BUSEKERA LICHA YA VUA WAZIRI MUHONGO ALIENDELEA KUELEZEA DHAMILA YA SERIKALI JUU YA KUSAMBAZA UMEME VIJIJINI

 WANANCHI WA KIJIJI CHA BUSEKERA

 BAADAE KITUO KILIKUWA BUKIMA

  

KATIKA kuhakikisha wachimbaji wadogo wa madini wanaimalisha shughuli zao za uchimbaji na kuepusha migogoro na wachimbaji wa kati na wakubwa,Serikali imesema mchakato wa kuwapa ruzuku wachimbaji hao inaendelea vizuri ili kuweza kuwasaidia.

Kauli hiyo ilitolewa na Waziri wa Nishati na Madini,Profesa,Sospeter Muhongo,katika siku yake ya pili ya ziara ya siku 6 kutembelea na kukagua miradi ya umeme vijijini pamoja na kuangalia changamoto za wachimbaji wadogo.

Akizungumza na wananchi wa vijijio vya,Suguti,Bwasi,Busekera,Nyegina,bukima na Kataryo wilaya ya Musoma,amesema baada ya serikali kuona utoaji wa mikopo itawapa vikwazo wachimbaji wadogo,njia pekee ambayo itawezakuwasaidia ni kuwapa ruzuku ambayo hawatairudisha ili kuweza kusaidia kwenye shughuli zao.

Amesema licha ya kuwepo kwa taratibu za upatikanaji wa ruzuku hiyo kutoka serikalini,wachimbaji wadogo wametakiwa kuzizingatia ili waweze kupata na wale ambao wana uwezo wa kukupesheka wanaweza pia kupata mikopo kupitia taasisi za kifedha zinazotoa mikopo kwaajili ya wachimbaji wadogo.

Akiwa katika eneo la mgodi wa Cata Mining kijiji cha Kataryo la mchimbaji wa kati mzawa, Mauza Nyakirang’anyi anayeshirikiana na watu wa Canada,Waziri Muhongo amesema ni jambo la msingi kwa wachimbaji wa kati na wakubwa,kushirikiana na wachimbaji wadogo na kuwasaidia ili na wenyewe waweze kunufaka na madini.

Amesema kupitia vifaa walivyo navyo wachimbaji hao,ni jambo la busara kuwasaidia pia wachimbaji wadogo suala ambalo litajenga mahusiano mazuri zaidi kati ya wachimbaji wa kati,wakubwa na wadogo nakuepusha migogoro ambayo imekuwa ikijitokeza.

Kwa upande wake mmiliki wa mgodi wa Cata Mining,Mauza Nyakirang’anyi,amesema tangu wamefika eneo la mgodi,wamekuwa wakishirikiana na wachimbaji wadogo wanaozunguka mgodi huo na hakuna mgogoro wowote baina yao.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,mwisho,,,,,,,,,,,,,,,,,,,,,,,,,,,,,,,,,,,,,,,,,

 

 

 

• Tweet
• Share
• Share
• Share
• Share