Musoma,
Waandishi wa
Habari hapa Nchini wameelezewa kuwa ni moja ya watetezi wa kubwa wa Haki za
Binadamu katika Jamii kutokana na kazi wanayoifanya katika kutetea Haki
mbalimbali za Binadamu wazohitaji kwa kuandika na kutangaza.
Kauli
hiyo ilitolewa na Mratibu wa Idara ya
Mipango na Ujengaji Uwezo wa Shirika la Kutetea Haki za Wanawake na Watoto la
ABC-Foundation,Andrea Migiro alipokuwa akizungumza na BLOG HII juu ya mpango
wa kuanzisha chombo kimoja cha Utetezi wa Haki za Binadamu.
Alisema
Waandishi wa Habari wamekuwa mstari wa mbele katika kupigania Haki za Binadamu
kwa kuzitolea taarifa licha ya kufanya kazi katika mazingira magumu na wengine
kuchukuliwa kutokana na taarifa wanazozitangaza na kuziandika.
Alidai
Wanahabari bila uoga wamekuwa wakitumia vyombo vyaombo vyao kuelezea madhara
yanayopatikana kutokana na kutokana na pale Haki za Binadamu zinapovunjwa
zikiwemo za Wanawake na Watoto baadhi ya watu wanaoondikwa na kutangazwa
kutokana na kuzivunja wamekuwa wakiwachukia Waandishi wa Habari.
Migiro
alisema Shirika la ABC Foundation linawachukulia Waandishi wa Habari kama watu
muhimu katika harakati za kupigania haki za Binadamu hivyo ni muhimu kutambua
mchango wao wanaoutoa katika kufanya kazi hiyo.
Alisema
katika chombo hicho cha Utetezi wa Haki za Binadamu cha pamoja kinachotarajiwa
kuanzishwa kitakachoshirikisha Asasi na Taasisi mbalimbali Mkoani
Mara,Waandishi wa Habari wanapaswa kuwemo na kufanya kazi kwa kushirikiana.
“Tumeshakaa
kikao cha kwanza kwa kukutana na viongozi wa Asasi nyingine za kijamii
zinazofanya kazi Mkoani Mara ambacho kiliratibiwa na CDR-Fund na kuna maazimio
mbalimbali tuliyopanga kuanza nayo.
“Kuna
madhara makubwa yanayowapata Watetezi wa Haki za Binadamu pamoja na Waandishi
wa Habari,tunataka chombo hiki kufanya kazi kutokana na changamoto
zinazopatikana tunataka chombo hiki kianzie hapa mkoani Mara na baadae kiwe cha
Kitaifa,alisema Migiro
Post a Comment
0 comments