SERIKALI mkoani Mara
imesema taratibu za ujenzi wa Hospitali ya Rufaa ya Mwalimu Nyerere Kwangwa
ineendelea vizuri baada ya Shirika la Hifadhi ya Taifa NSSF kukubali kuojenga
baada ya maombi ya mkoa wa Mara katika kutaka kumalizika kwa haraka kwa hospitali
hiyo ambayo ilianza kujengwa na Wananchi tangu mwaka 1975.
Kauli hiyo ilitolewa
na Mwenyekiti wa kikao Kamati ya Ushauri ya mkoa wa Mara (RCC) ambaye pia ni
Mkuu wa mkoa wa Mara Gabriel Tuppa katika kikao cha dharura cha Kamati hiyo
kilichokuwa na ajenda ya kujadili na kutoa ushauri katika mpango wa Bajeti ya
mkoa wa Mara ya mwaka 2013/2014.
Alisema hospitali ya
rufaa ya Mwalimu Nyerere ni moja ya kipaumbele cha mkoa wa Mara kutokanana
huduma muhimu ambazo zinatarajiwa kupatikana katika hospitali hiyo mara baada
ya kukamilika kwake na kusaidia Wananchi wengi wa mkoa huo ambao mara kadhaa
wamekuwa wakilazimika kusafirisha wagonjwa kwenda kwenye hospitali ya Rufaa ya
Bugando.
Tuppa alisema NSSF
baada ya kukubali ombi la mkoa wa Mara katika kuimalizia hospitali hiyo bado
kunamazungumzo baina ya Shirika hilo na Wizara ya fedha kuona namna ambavyo
fedha hizo zitarejeshwa na Serikali baada ya kumalizika kwa ujenzi wa hospitali
hiyo.
Alisema anaamini
mazungumzo hayo yatakwenda vizuri hasa baada ya kuwasiliana na Waziri wa fedha
na kudai tayari wataalamu wa Wizara wapo katika mipango na baadae kukutanana
watu wa NSSF kuona namna gani kuhakikisha maombi ya mkoa wa Mara yanapita na
ujenzi wa hospitali hiyo kuanza mara moja.
Mwenyekiti huyo wa
Kamati ya Ushauri ya mkoa wa Mara alisema kutokana na umuhimu zaidi wa
hospitali hiyo,iwapo kutaonekana kuwa na ucheleweshwaji wa mazungumzo mkoa
utaamua kutangaza tenda kwa wazabuni kutokana na fedha walizonazo katika mfuko
wa hospitali hiyo ili lengo la kuanza mara moja kwa hospitali hiyo liweze
kuanza.
"Tayari mkoa
unazo shilingi bilioni nne katika mpango wake wa ujenzi wa hospitali hii ya
rufaa ya Mwalimu Nyerere endapo kutakuwa nahatua ndefu baina ya NSSF na Wizara
itabidi tutangaze tenda lakini naamini maafikiano yatakuwepo baina ya pande
hizo mbili na umuhimu wa hospitali hii na kila kitu kitakwenda vizuri,"alisema
Tuppa.
Akichangia kuhusu
ujenzi wa hospitali hiyo,Mwenyekiti wa Halimashauri ya Wilaya ya Tarime Amos
Sagara alisema Serikali lazima ione umuhimu wa hospitali hiyo katika kutoa
huduma za afya kwa Wananchi na kuto kuwa na muda mrefu wa kuanza kwa ujenzi huo
kwa kuwa Wananchi wenyewe kwa kuona umuhimu wa huduma za afya waliamua kuijenga
kwa nguvu zao na kufikia hatua kubwa ambayo sasa inapaswa kuungwa mkono na
Serikali hasa katika kumuenzi Baba wa Taifa.
Alisema kwa sasa
kumekuwepo na hadha kubwa kwa Wananchi kupata huduma zaidi za kiafya katika
mkoa wa Mara na kuamua kuweka kipaumbele katika hospitali hiyo hivyo Serikali
inapaswa kusaidia na mkoa ili ujenzi wa hospitali hiyo ambayo itakuwa na huduma
mbalimbali muhimu iweze kukamilika.
"Mimi naomba
ngugu wajumbe wa kikao hiki cha (RCC) tuitishe maombi maalum ya mkoa mzima
kutoka kwa viongozi mbalimbali wa madhebu ya dini ili mazungumzo baina ya NSSF
na Wizara yaweze kwenda vizuri na kwa haraka ili ujenzi huu uanze haraka na
kupunguza hadha ya kimatibabu kwa Wananchi wa mkoa wa Mara,"alisema
Sagara.
Hivi
karibunui akiwa katika ziara ya kiserikali mkoani Mara,Makamu wa Rais
Dk.Mohamed Gharib Bilal alisema hospitali hiyo imo katika ilani ya
Uchaguzi ya CCM hivyo lazima Serikali itaifatilia na kuona ujenzi wake
unaendelezwa na kukamilika kwa muda muafaka.
Post a Comment
0 comments