 |
| MEYA ALEX KISURURA KULIA AKIWA WATENDAJI WA MANISPAA YA MUSOMA |
BARAZA la madiwani la Halmashauri ya Manispaa
ya Musoma limejadili na kupitisha marekebisho ya sheria mbalimbali kwa ajili ya
manufaa ya halmashauri hiyo katika kukusanya na kuongeza mapato ya halimashauri
kwa maendeleo.
Akizungumza katika kikao maalumu cha baraza
la madiwa kwaajili ya kupitisha sheria ndogondogo,Meya wa Manispaa ya Musoma Alex
Kisurura, amesema baraza hilo limejadili na kupitisha marekebisho ya sheria za
ukusanyaji wa mapato, kanuni za kudumu za halmashauri kama kanuni elekezi
pamoja na udumishaji wa mahusiano ya urafiki kati ya Manispaa ya Musoma na mji
wa Shang tang nchini China.
Kisurura
amesema sheria hizo zitaanza kutumika baada wa Waziri Mkuu wa Jamhuri ya Muungano
wa Tanzania Mizengo Peter Pinda kutia saini katika sheria hiyo ili kuanza
kutumika kwa mujibu wa sheria na kudai lengo la kupitisha sheria hizo ni kuleta
ufanisi katika ukusanyaji wa mapato.
Meya huyo wa Manispaa ya Musoma amesema
vyanzo vya mapato vipo na bila kuwekewa sheria ndogondogo kwaajili ya
ukusanyaji kunaweza kupelekea mapato mengi kupotea bila sababu za msingi na
kusababisha kukwama kwa kushughuli mbalimbali za kimaendeleo.
Amedai lengo la halimashauri hiyo
tangu walipoingia madarakani na kuiongoza halimashauri ni kuleta ufanisi kwa
wananchi wa Manispaa ya Musoma na kuwataka watendaji kusimamia ukusanyaji wa
mapato mara sheria hizo zitakapopitishwa.
Akizungumzia uhusiano ulioanzishwa kati ya
mji wa Shang tang wa nchini China na mji wa Musoma itakuwa ni fursa nyingine
nzuri ya kuendelea kupeleka kwa kasi kwa maendeleo kutokana na ushirikiano
utakaokuwepo kati ya miji hiyo miwili.
Amesema watauzingatia ushauri uliotolewa na
Waziri wa Nishati na Madini Sospeter Muhongo aliyefanya jitihada za kumfikisha
balozi wa China nchini Tanzania hivi karibuni mjini Musoma kwa lengo la kuanza
mazungumzo ya mashirikiano kati ya miji hiyo miwili kwa lengo la kuzidisha kasi
ya maendeleo.
Post a Comment
0 comments