IKIWA ni kukabiliana na wagombea
watakaoanza kufanya kampeni mapema na kujihsisha vitendo vya kutoa Rushwa ili
wachaguliwe, Chama cha Mapinduzi (CCM) mkoa wa Mara kimetoa ruksa ya kurekodiwa
wagombea watakaofanya vitendo hivyo ili kuweza kupata ushahidi wa kuwaengua
kuomba nafasi za uongozi.
Akizungumza na BLOG HIIofisini
kwake katika kuelekea uchaguzi wa chama hicho, Katibu wa CCM mkoa wa
Mara,Innocent Nanzabar, amesema wagombea wote waliomba nafasi za uongozi
wamezuiwa kufanya kampeni kabla ya wakati na katika kukabiliana na hilo ni
muhimu kubuni mbinu nyingi zaidi.
Amesema ili kupata ushahidi na
kuchukua hatua kwa wagombea watakao kaidi ni wanachama wa chama hicho katika
maeneo mbalimbali ya ngazi ya Kata na Wilaya wafatilie nyendo zao na kurekodi
vitendo watakavyokuwa wanafanya ikiwa ni wao wenyewe au wapambe katika maeneo
yao.
Nanzabar amesema wapo wagombea ambao
wanajiamini kuwa majina yao yatarudi kutoka ngazi ya taifa na kuanza kupitapita
kwenye Kata na wilayani ili kwenye uchaguzi wa mkoa waweze kuchaguliwa jambo
ambalo maadili ya chama yanakatazwa kufanywa.
Amesema kutokana na maendeleo ya
kimtandao wanachama wanaopingana na vitendo visivyofaa ndani ya chama wanapaswa
kuwasaidia viongozi kwa kuwabaini wagombea hao kwa kuwarekodi ili kupata
ushahidi wa kubaini makosa yao na kuenguliwa kwenye uchaguzi.
“Tunaomba wanachama wetu watusaidie
ili kuweza kuwakamata wagombea ambao wanashindwa kufuata maadili na maelezo ya
chama na hili kuwapata mtakapowaona muwarekodi tupate ushahidi na kupeleka
panapo husika.
“Makatibu wa CCM kule kwenye ngazi
ya wilaya pia wanapaswa kutusaidia kupata taarifa za wagombea hao kwa kuwa huko
kwenye wilaya ndiko kunaweza kutokea vitendo vya kuanza kampeni mapema na kutolewa
kwa Rushwa,”amesema Nanzabar.
Katibu huyo amesema jumla ya
wanachama 24 wamejitokeza kuomba nafasi ya Mwenyekiti wa chama hicho mkoa wa
Mara,19 wanawania nafasi ya halmashauri kuu ya taifa (NEC) na 16 wanawania
nafasi ya Katibu wa Itikadi na Uenezi ambao wametakiwa kuzingatia taratibu na
kanuni za chama.
Aidha amewataka wagombea wote
kujiepusha na vitendo vyote vinavyokatazwa kwa kuwa pale watakapotolewa taarifa
na zikathibitishwa wataenguliwa kugombea nafasi hiyo na hata kama watakuwa
wamechaguliwa matokeo yao yatafutwa.
Amesema
tayari alifanya ziara kwa kushirikisha
vyombo vya dola ikiwemo Takukuru na kutoa elimu yanayofaa kuzingatiwa kwa
wagombea ikiwemo utoaji wa Rushwa hivyo atakaye jihusisha na vitendo
vilivyokatazwa na kukamatwa asije kulalamika baada ya kuchukuliwa hatua.
Baadhi ya
wagombea walioomba nafasi za uongozi ambao hawakutaka majina yao yaandikwe kwa kuwa bado hawajateuliwa na kukatazwa na kanuni,wamesema watazingatia
yote yaliyokatazwa ili kuepuka kuondokewa na sifa za kugombea.
Post a Comment
0 comments